Çatdırılma
 

Quraşdırılma xidmətləri Music Gallery Servis Mərkəzi tərəfindən həyata keçirilir.

Markasından asılı olmayaraq bütün Paltaryuyan, Paltarqurudan, Qabyuyan texnikalarının quraşdırılması xidməti Music Gallery Servis Mərkəzi tərəfindən həyata keçirilir.

Paltaryuyan və qabyuyanların quraşdırılması üçün lazım olan arkokran və görülməli olan digər santexnik işləri müştəri tərəfindən təmin edilməlidir.

Soyuducu müştərinin ünvanına çatdırıldıqdan 6-8 saat sonra müştəri tərəfindən cərəyana qoşulmalıdır.

Əgər soyuducu mənzilin qapısından keçmirsə, soyuducunun qapısının sökülüb-yığılması və ya qapı istiqamətinin dəyişdirilməsi xidməti servis əməkdaşları tərəfindən həyata keçirilir və bu xidmət ilk dəfə üçün ödənişsizdir.

Markasından asılı olmayaraq bütün Kondisionerlərin quraşdırılması Music Gallery Servis Mərkəzi tərəfindən həyata keçirilir. Kondisioner quraşdırılması zamanı kran və ya digər qaldırıcı texnikaya ehtiyac yaranarsa, bu, müştəri tərəfindən təmin olunmalıdır. Müştəri texnikanı təmin edə bilmədiyi hallarda ödənişli xidmət olaraq servisin imkanlarından istifadə edilə bilər.

Soba, aspirator, qazüstü kimi məhsullar servis tərəfindən quraşdırılmır. Servisin nümayəndəsi bu məhsulların istismar qaydalarını izah etmək və zəmanət talonunu doldurmaq üçün müştərinin ünvanına gedir. Qazla işləyən cihazlarda (qaz üstü, qaz plitəsi, qaz sobası, qaz qızdırıcıları və s.) qaz xəttinə qaz tənzimləyicisinin (reduktorun) quraşdırılması mütləqdir, əks halda məhsula zəmanət verilmir.

Kombilər və su qızdırıcıları müştəri tərəfindən quraşdırılmalıdır. Kombilər və qızdırıcılar müştəri tərəfindən quraşdırıldıqdan sonra Music Servis Mərkəzinə məlumat verilir və Music Servis Mərkəzi məhsulun markasına uyğun olaraq aidiyyatı Servis nümayəndəsini məhsula baxış keçirib, zəmanət verilməsi üçün müştəriyə yönləndirir. Rəsmi Servis tərəfindən kombi məhsullarına "Start" verilməsi və zəmanət yazılması xidməti ödənişlidir.

Bütün məhsullar quraşdırılmazdan əvvəl elektrik cərəyanı müştəri tərəfindən tənzimlənməlidir.