Geri qaytarma siyasəti

Music Gallery olaraq biz istəyirik ki, etdiyin hər alış sənə sevinc və güvən hissi bəxş etsin. Məhz buna görə, məhsulun qaytarılması və ya dəyişdirilməsi prosesi sənin üçün tam sadə və şəffaf şəkildə hazırlanıb.

Komandamız istər zəmanətlə bağlı hallarda, istərsə də şəxsi qərarınla məhsulu qaytarmaq istədikdə sənə dəstək olmağa hər zaman hazırdır. Seçiminə dəyər veririk və çalışırıq ki, qaytarma prosesi sənin üçün rahat, sürətli və problemsiz keçsin.

Əgər sualın olsa, *1313 nömrəsinə zəng edə, WhatsApp, onlayn çat və ya ən yaxın Music Gallery mağazasına müraciət edə bilərsən.

Bizə güvəndiyin üçün təşəkkür edirik!

Ümumi şərtlər

Music Gallery istehlakçı hüquqlarını qoruyaraq qanunvericiliyə uyğun fəaliyyət göstərir. Aşağıdakı hallarda məhsulu qaytarmaq və ya dəyişdirmək mümkündür:

İstehsalçı qüsuru olan məhsulların dəyişdirilməsi və ya qaytarılması

Əgər aldığın məhsulda istehsalçıdan qaynaqlanan nasazlıq varsa, zəmanət müddəti ərzində onu qaytara və ya dəyişdirə bilərsən. Bunun üçün:

*1313 nömrəsinə zəng et və problemi bildir;
Operatorun yönləndirdiyi ən yaxın Music Gallery mağazasına yaxınlaş və məhsulu texniki mütəxəssisə təhvil ver;
Mütəxəssis məhsulu yerində yoxlayacaq. Əgər nasazlıq təsdiqlənərsə, dəyişdirmə və ya qaytarılma dərhal həyata keçiriləcək;
Əgər daha ətraflı texniki yoxlamaya ehtiyac olarsa, məhsul servis mərkəzinə göndəriləcək;
Qüsur təsdiqləndikdə, məhsulun tam dəyəri və çatdırılma xərci tam şəkildə sənə geri qaytarılacaq.

Qeyd:

Ödəniş necə edilmişdisə, pul da həmin üsulla geri qaytarılır (əks razılaşma yoxdursa). Əgər ödənişi başqa biri edibsə, vəsait yalnız həmin şəxsin adına qaytarılır.
Əgər səndə Qızıl zəmanət aktivdirsə, qaytarma prosesi onun şərtlərinə əsasən həyata keçirilir.

Alıcının təşəbbüsü ilə məhsulun qaytarılması

Əgər fikrini dəyişmisənsə, heç bir səbəb göstərmədən məhsulu 14 təqvim günü ərzində qaytara bilərsən. Bunun üçün bu şərtlərə əməl olunmalıdır:

Məhsul işlədilməmiş olmalıdır;
Xarici görünüş və funksionallıq tam şəkildə saxlanılmalıdır;
Qablaşdırma zədələnməməlidir;
Bütün komplekt tam olmalıdır;
Rəqəmsal məhsullarda proqram təminatı yüklənməməli və aktiv edilməməlidir;
Qəbz və ya ödənişi təsdiqləyən sənəd təqdim olunmalıdır.

Nəzərə al:

Şəxsi gigiyenaya aid məhsulların qablaşdırması açılıbsa və ya zədələnibsə, onlar geri qəbul edilmir;
Qaytarma şərtlərinə uyğun olmayan məhsullar Outlet bölməsində dəyərləndirilib satış üçün təklif oluna bilər.
mgstore.az saytından onlayn sifariş verdiyin məhsullar üçün bu müddət 30 günə qədər artırılır (məhsulu aldığın gündən hesablanır).

Məhsul necə qaytarılır?

*1313 nömrəsi ilə əlaqə saxla;
Təlimata uyğun olaraq məhsulu Music Gallery mağazasına gətir;
Texniki mütəxəssis məhsulu yerində yoxlayacaq. Lazım gələrsə, servisə yönləndiriləcək;
Məhsul qaytarma şərtlərinə uyğundursa, ödəniş və çatdırılma xərci sənə tam şəkildə geri qaytarılacaq;
Ödəniş necə edilibsə, qaytarma da eyni üsulla ediləcək;
Əgər ödənişi başqa biri edibsə, məbləğ yalnız onun adına qaytarılır.

Xidmətlərin qaytarılması

İstehsalçı qüsuru səbəbilə məhsul qaytarılırsa, göstərilmiş xidmətlər də geri qaytarıla bilər;
Məhsul eyni model və xüsusiyyətlərlə əvəzlənərsə, xidmət yeni məhsula keçir;
Əgər məhsul fərqli kateqoriyalı başqa məhsulla dəyişdirilirsə, xidmət qaytarılmır;
Məhsul texniki baxımdan sağlam hesab olunarsa, xidmətin dəyəri geri verilmir;
İstisna olaraq, ödənişli zəmanət xidmətləri ayrıca şərtlərlə tənzimlənir.

Əlavə şərtlər

Nağdsız ödəniş zamanı qaytarma yalnız ödənişin həyata keçirildiyi bank hesabına edilir və bu, maksimum 14 təqvim günü çəkə bilər;
Qaytarma prosesi Azərbaycan Respublikasının qanunvericiliyinə uyğun olaraq, 7-ci maddə (qüsurlu malların qaytarılması) və 15-ci maddə (keyfiyyətli malların qaytarılması) nəzərə alınmaqla həyata keçirilir.