“Music Gallery” bütün məhsullarına orijinal zəmanətdən əlavə zəmanət seçimləri də təklif edir. “Multi zəmanət” və “2X zəmanət” seçimləri ilə əldə etdiyiniz məhsulu arxayınlıqla istifadə edə bilərsiniz.

“Multi zəmanət” sertifikat şərtləri
1.    Bu zəmanət növü məhsulun istifadəsi zamanı istifadəçi tərəfindən yaranan qüsurların aradan qaldırılmasını əhatə edir:
1.1.    Məhsula su keçdiyi hallarda;
1.2.    Məhsulun zədələnərək sıradan çıxdığı hallarda;
1.3.    Açıq alovla təmas zamanı məhsulun sıradan çıxdığı hallarda.
2.    Məhsulun təmiri mümkün olmadığı hallarda aşağıdakı cədvəl əsasında kompensasiya verilir.

Müraciət tarixi    Kompensasiya
1 aydan 3 ayadək    75%
4 aydan 6 ayadək    65%
7 aydan 9 ayadək    55%
10 aydan 12 ayadək    50%
13 aydan 24 ayadək    30%

3.    Daha öncə “Multi zəmanət” sertifikatı əsasında məhsulun hər hansı ehtiyat hissəsi dəyişdirilib və ya təmir olunubsa, daha sonra təmirin mümkün olmadığı hallarda təmir məbləği 2-ci bənddə göstərilmiş cədvəldə qeyd edilən kompensasiya məbləğindən çıxılacaq.

4.    “Multi zəmanət” sertifikat şərtlərinə əsasən, məhsulun aidiyyəti qüsurlu hissəsi əvvəlcə təmir olunur. Təmirin mümkün olmadığı hallarda isə qüsurlu hissə yalnız 1 (bir) dəfə olmaqla yeni hissə ilə dəyişdirilir. Təmir olunan və ya dəyişdirilən hissəyə 40 təqvim günü ərzində istehsalçı tərəfindən zəmanət verilir.

5.    Məhsulun təmiri 14 iş günü ərzində həyata keçirilir. Zərurət yaranarsa (ehtiyat hissəsinin xarici ölkədən gətirildiyi hallarda), təmir müddəti 60 günə qədər uzadıla bilər. Təmir müddətinin 48 saatdan çox olacağı müəyyən olunarsa, təmir müddəti bitənə qədər istifadəçiyə müvəqqəti əvəzedici məhsul verilir.

6.    Məhsulun təmirə yararlı olub-olmaması haqqında qərar yanlız “Music Gallery”nin servis mərkəzi tərəfindən verilir

7.    Böyükölçülü televizorlar (32” daxil olmaqla) ünvandan servis ənəkdaşları tərəfindən götürülür.

8.    “Multi zəmanət” sertifikat təminatına aid deyil:
8.1.    Müştəri məhsulu “Ferrum Capital” vasitəsilə əldə edibsə, müştəriyə kompensasiya məbləği qaytarılmalı olduğu təqdirdə qeyd olunan məbləğ “Ferrum Capital” tərəfindən ayrılmış öhdəliyin bağlanmasına sərf olunur.
8.2.    “Ferrum Capital”a olan borc gecikdirilərsə, “Multi zəmanət” sertifikatı qüvvədən düşmüş olur.
9.    “Multi zəmanət” sertifikatının qüvvədən düşdüyü hallar:
9.1.    Məhsulun təmiri üçün digər servis və ya üçüncü şəxslərə müraciət edilərsə. Bu halda servisə təqdim olunan məhsulun yaddaşında olan məlumatların və faylların saxlanılmasına zəmanət verilmir.
9.2.    Şərtlər məhsulun komplektasiyasına daxil olan aksesuarlara şamil edilmir.
9.3.    Şərtlər proqram təminatları və klaviaturanın düymələrinə aid deyil.
9.4.    “Multi zəmanət” sertifikatı məhsulun kosmetik qüsurlarına (cızıq, ləkə və s.) şamil edilmir.
10.    14 təqvim günü ərzində “Multi zəmanət” sertifikatından istifadə edilmədiyi halda müştəri xidmətdən imtina edərək “Multi zəmanət” sertifikatının dəyərini tələb etmək hüququna malikdir.

“Multi zəmanət” sertifikatının müddəti    Qiyməti
1 il    12%
2 il    18%

“2X zəmanət” sertifikat şərtləri
1.    Bu zəmanət istehsalçı şirkətin təqdim etdiyi zəmanət müddəti bitdikdən sonra eyni şərtlər qüvvədə olmaqla yaranan texniki nasazlıqların aradan qaldırılmasını əhatə edir.
1.1.    “2X zəmanət” sertifikatı yalnız istehsal qüsurlarının ödənişsiz aradan qaldırılmasını təmin edir.
1.2.    “2X zəmanət” sertifikatı ilə edilən hər bir təmir və dəyişdirilmiş hissəyə, əlavə olaraq, 40 təqvim günü istehsalçı zəmanəti verilir.
2.    Məhsulun təmiri 14 iş günü ərzində həyata keçirilir. Zərurət yaranarsa (ehtiyat hissəsinin olmadığı hallarda), təmir müddəti 60 günə qədər uzadıla bilər. Təmir müddətinin 48 saatdan çox olacağı müəyyən olunarsa, təmir müddəti bitənə qədər istifadəçiyə müvəqqəti əvəzedici məhsul verilir.
3.    Böyükölçülü televizorlar (32” daxil olmaqla) ünvandan servis ənəkdaşları tərəfindən götürülür.
4.    Məhsulun təmiri mümkün olmadığı hallarda müştəriyə “Music Gallery” mağazalar şəbəkəsindən yalnız məhsulun öz qiyməti daxilində müvafiq məhsul təqdim edilir.
5.    “2X zəmanət” sertifikat təminatına aid deyil:
5.1.    Bu sertifikat məhsulun komplektinə daxil olan aksesuarlara, məhsuldan sökülmədən ayrıla bilən hissələrə şamil olunmur.
5.2.    Ailə və şəxsi ehtiyaclar üçün nəzərdə tutlmuş əşyalar biznes fəaliyyəti və ya digər gəlir əldə etmək məqsədi ilə istifadə edilərsə, “2X zəmanət” təminatına aid deyil.
5.3.    Servisə təqdim olunan məhsulun yaddaşında olan məlumatların və faylların   saxlanılmasına zəmanət verilmir. 
6.    “2X zəmanət” sertifikatının qüvvədən düşdüyü hallar:
6.1.    Məhsulun təmiri üçün digər servis və ya üçüncü şəxslərə müraciət edilərsə.
6.2.    “Ferrum Capital”a olan borcun gecikdirilməsi halında “2X zəmanət” sertifikatı qüvvədən düşmüş olur. Borc ödənildikdən sonra “2X zəmanət” əvvəlki şərtlərlə bərpa edilir.
6.3.    Məhsuldan istifadə təlimatlarına uyğun olmayan mühitdə istifadə olunarsa.
6.4.    Məhsulda rütubət, yüksək və ya aşağı temperaturlar, paslanma, oksidləşmənin təsiri, avadanlığın içinə yad cisimlərin, maddələrin, mayelərin, həşaratların düşməsi nəticəsində problem yaranmışdırsa.
7.    14 təqvim günü ərzində “2X zəmanət” sertifikatından istifadə edilmədiyi halda müştəri xidmətdən imtina edərək “2X zəmanət” sertifikatının dəyərini tələb etmək hüququna malikdir.

“2X zəmanət” sertifikatının müddəti.
1 il    5%
2 il    7%
3 il    9%