Saytın istifadə şərtləri

Ümumi məlumat

Saytımıza xoş gəlmisən!

Qeydiyyatdan keçmiş istifadəçi ya da sadəcə ziyarətçi olmağından aslı olmayaraq saytımızdan istifadə etdiyin və ya sayt vasitəsilə məhsul sifariş verdiyin halda, bu İstifadə Şərtlərini oxuduğunu, başa düşdüyünü və qəbul etdiyini təsdiq etmiş olursan. 

Sayt istənilən vaxt İstifadə Şərtlərini dəyişdirmək, əlavələr etmək və ya onları qismən və ya tam şəkildə silmək hüququnu özündə saxlayır. Bütün dəyişikliklər sayt üzərindən ayrıca bildiriş verilmədən dərc olunur və dərc edildiyi andan qüvvəyə minir.

Saytın istifadəsi

Saytda təqdim olunan bəzi xidmətlərdən və funksiyalardan istifadə etmək üçün qeydiyyatdan keçməli və ya abunə olmalı ola bilərsən. Əgər belə bir xidmətə qoşulmaq və ya abunə olmaq qərarı verirsənsə, özün haqqında dəqiq və aktual məlumatlar təqdim etməlisən. Əgər bu məlumatlarda hər hansı dəyişiklik olarsa, onları vaxtında yeniləməyin vacibdir.

Hesab məlumatlarının: istifadəçi adı, şifrə və digər identifikatorların təhlükəsizliyinə və gizliliyinə görə tam məsuliyyət sənə aiddir. Həmin hesabla edilən bütün əməliyyatlara görə sən məsuliyyət daşıyırsan. Əgər bu qaydalara əməl olunmasa və nəticəsində hansısa zərər baş versə, sayt buna görə məsuliyyət daşımır.

Qeydiyyat zamanı reklam xarakterli məktubları qəbul etməyə ya da imtina etməyə özün qərar verə bilərsən. Daha sonra şəxsi kabinetinə daxil olub bu seçimi dəyişmək imkanın da var.

Sifarişlər və qiymətlər

Sayt istənilən sifarişi qəbul etməmək və ya ləğv etmək hüququnu özündə saxlayır. Sifariş təsdiqlənməzdən əvvəl telefon nömrənin, ünvanının və digər təqdim etdiyin məlumatların dəqiqliyini yoxlamaq üçün səndən əlavə məlumatlar istənilə bilər.

Saytda göstərilən qiymətlər kampaniyalar çərçivəsində dəyişə bilər. Qiymətləri mütəmadi olaraq yeniləmək və lazım olduqda dəyişmək hüququmuz var.

Sifariş zamanı səbətdəki ümumi məbləğ 30 AZN - dən azdırsa, çatdırılma üçün əlavə ödəniş tələb oluna bilər.

Ödəniş

Müştərilərimizin məlumat təhlükəsizliyi bizim üçün önəmlidir. Buna görə də, kart vasitəsilə həyata keçirilən bütün ödənişlər müvafiq beynəlxalq təhlükəsizlik standartlarına və sertifikatlara uyğun şəkildə qorunur. Bütün şəxsi və ödəniş məlumatları Konfidensiallıq siyasətinə əsasən toplanır və emal olunur.