Şikayətlərin idarəolunma siyasəti

Music Gallery olaraq biz müştərilərimizə yüksək keyfiyyətli məhsul və xidmətlər təqdim etməyə çalışırıq. Əsas prioritetimiz sabit və davamlı inkişafdır. Məhz bu səbəbdən şikayətlərin idarə olunması məsələsinə xüsusi ciddiliklə yanaşırıq. Missiyamız – sənin ehtiyaclarının maksimum dərəcədə qarşılanmasına nail olmaqdır.

1. Bizimlə necə əlaqə saxlaya bilərsən?

Şikayətini (narazılığını və ya iradını) bizə aşağıdakı üsullarla bildirə bilərsən:

"Live Chat" vasitəsilə bizə yazaraq
*1313 qısa nömrəsinə zəng edərək
Rəsmi sosial media hesablarımız vasitəsilə
[email protected] e-poçt ünvanına yazaraq
Mağazalarımızda yerləşən “Şikayət və təkliflər kitabı”na qeyd yazaraq

2. Səndən lazım olan məlumatlar

Şikayətinin tez və düzgün şəkildə araşdırılması üçün aşağıdakı məlumatları təqdim etməyini xahiş edirik:

Adın, soyadın və əlaqə məlumatların (telefon nömrəsi və ya e-poçt)

Xidməti göstərən əməkdaşın adı (əgər bilirsənsə)

Şikayətin detallı izahı

3. Şikayətə cavab prosesi

Ən qısa zamanda problemləri həll etməyə çalışırıq, amma bəzi hallarda əlavə vaxt lazım ola bilər:

Şikayətin ilkin araşdırılması 3 iş günü ərzində həyata keçirilir. Bu müddətdə detalları dəqiqləşdirmək üçün səninlə əlaqə saxlaya bilərik.
Problemin tam həlli 10 iş günü ərzində planlaşdırılır. Əgər bu müddət uzanarsa, səbəbi sənə bildirəcəyik və yeni tarix təqdim olunacaq.
Şikayət araşdırıldıqdan sonra səni görülən tədbirlər və nəticələrlə bağlı məlumatlandırırıq. Bu məlumat yazılı şəkildə təqdim olunur, amma qarşılıqlı razılıqla şifahi də ola bilər.
İstədiyin vaxt şikayətinin cari statusu barədə məlumat ala bilərsən.

4. Şikayətin idarə olunması prosesinin əsas mərhələləri

Şikayətin qəbul edilməsi – 3 iş günü ərzində qeydə alınır
İlkin baxış – zərurət olduqda detalları dəqiqləşdirmək üçün səninlə əlaqə saxlayırıq
Şikayətin təhlili – təqdim etdiyin məlumat əsasında vəziyyətə obyektiv və qərəzsiz şəkildə baxırıq
Cavabın təqdim edilməsi – nəticələr və görülən tədbirlər barədə səni məlumatlandırırıq
Tədbirlərin görülməsi – lazım gələrsə, daxili proseslərimiz və siyasətimizdə dəyişikliklər edirik
Məxfilik təminatı – şəxsi məlumatların mövcud qanunvericiliyə uyğun şəkildə qorunur və emal olunur

Əməkdaşlığın üçün təşəkkür edirik! İnanırıq ki, birgə səylərimizlə xidmətlərimizin keyfiyyətini daha da artıracağıq.